Saturday , September 26 2020

Sabab Wo Puchh Rahe Hain Udas Hone Ka..

Sabab Wo Puchh Rahe Hain Udas Hone Ka.. Rahat Indori Shayari !

Sabab wo puchh rahe hain udas hone ka,
Mera mizaj nahi be-libas hone ka.

Naya bahana hai har pal udas hone ka,
Ye fayeda hai tere ghar ke paas hone ka.

Mahakti raat ke lamho nazar rakho mujh par,
Bahana dhund raha hun udas hone ka.

Main tere paas bata kis gharaz se aaya hun,
Subut de mujhe chehra-shanas hone ka.

Meri ghazal se bana zehn mein koi taswir,
Sabab na puchh mere devdas hone ka.

Kahan ho aao meri bhuli-bisri yaadon aao,
Khush-amdid hai mausam udas hone ka.

Kai dinon se tabiat meri udas na thi,
Yahi jawaz bahut hai udas hone ka.

Main ahmiyat bhi samajhta hun qahqahon ki magar,
Maza kuch apna alag hai udas hone ka.

Mere labon se tabassum mazaq karne laga,
Main likh raha tha qasida udas hone ka.

Pata nahi ye parinde kahan se aa pahunche,
Abhi zamana kahan tha udas hone ka.

Main kah raha hun ki aye dil idhar-udhar na bhatak,
Guzar na jaye zamana udas hone ka. !!

-Rahat Indori Shayari /Ghazal /Poerty

 

About skpoetry

>> Sk Poetry - All The Best Poetry Website In Hindi, Urdu & English. Here You Can Find All Type Best, Famous, Memorable, Popular & Evergreen Collections Of Poems/Poetry, Shayari, Ghazals, Nazms, Sms, Whatsapp-Status & Quotes By The Top Poets From India, Pakistan, Iran, UAE & Arab Countries ETC. <<

Read These Poems Too..

Dil Mein Aise Thahar Gaye Hain Gham..

Dil Mein Aise Thahar Gaye Hain Gham.. Gulzar Nazm ! Dil mein aise thahar gaye …

Mere Kapdon Mein Tanga Hai..

Mere Kapdon Mein Tanga Hai.. { Libas – Gulzar Nazm } ! Mere kapdon mein …

Leave a Reply

Your email address will not be published. Required fields are marked *

16 − 4 =