Sk Poetry All Types Best Poetry/ Shayari in Urdu, Hindi & English World.
Kali Raaton Ko Bhi Rangin Kaha Hai Main Ne.. Rahat Indori Shayari !
Kali raaton ko bhi rangin kaha hai main ne,
Teri har baat pe aamin kaha hai main ne.
Teri dastar pe tanqid ki himmat to nahi,
Apni pa-posh ko qalin kaha hai main ne.
Maslahat kahiye use ya ki siyasat kahiye,
Chil kawwon ko bhi shahin kaha hai main ne.
Zaiqe barha aankhon mein maza dete hain,
Baaz chehron ko bhi namkin kaha hai main ne.
Tu ne fan ki nahi shajre ki himayat ki hai,
Tere eazaz ko tauhin kaha hai main ne. !!
-Rahat Indori Shayari /Ghazal /Poerty
