Tuesday , August 3 2021

Poetry Types Kavita

Ek Hi Khwaab Kai Baar Dekha Maine..

Ek Hi Khwaab Kai Baar Dekha Maine.. Ek khwaab – Gulzar Nazm !

Ek hi khwaab kai baar dekha maine,
Tune saaree mein uras lee hain meri chaabiyan ghar ki,
Aur chali aayi hai bas yunhi mera haath pakadkar…

Mez par phool sajaate hue dekha hai kai baar,
Aur bistar se kai baar jagaya bhi hai tujhko,
Chalte-phirte tere kadmon ki wo aahat bhi suni hai…

Kyon, chitthi hai ya kavita?
Abhi tak to kavita hai…

Gungunati hui nikali hai naha ke jab bhi,
Aur apne bheege hue baalon se tapakta hua pani,
Mere chehre pe chhitak deti hai tu Tiku ki bachchi…

Taash ke patton pe ladti hai kabhi-kabhi khel mein mujhse,
Aur kabhi ladti bhi hai aise ki bas khel rahi hai mujhse,
Aur aaghosh mein nanhe ko liye… Will you shut up !

Aur jaanti to Tiku, jab tumhaara yeh khwaab dekha tha,
Apne bistar pe main us waqt pada jaag raha tha… !! -Gulzar Nazm