Tuesday , September 29 2020

Zamin Hogi Kisi Qatil Ka Daman Hum Na Kahte The..

Zamin Hogi Kisi Qatil Ka Daman Hum Na Kahte The.. Jan Nisar Akhtar Poetry !

Zamin hogi kisi qatil ka daman hum na kahte the,
Akarat jayega khun-e-shahidan hum na kahte the.

Ilaj-e-chaak-e-pairahan hua to is tarah hoga,
Siya jayega kanton se gareban hum na kahte the.

Tarane kuch diye lafzon mein khud ko qaid kar lenge,
Ajab andaz se phailega zindan hum na kahte the.

Koi itna na hoga lash bhi le ja ke dafna de,
Inhin sadkon pe mar jayega insan hum na kahte the.

Nazar lipti hai sholon mein lahu tapta hai aankhon mein,
Utha hi chahta hai koi tufan hum na kahte the.

Chhalakte jaam mein bhigi hui aankhen utar aayi,
Satayegi kisi din yaad-e-yaran hum na kahte the.

Nai tahzib kaise lucknow ko ras aayegi,
Ujad jayega ye shehar-e-ghazalan hum na kahte the. !!

-Jan Nisar Akhtar Poetry / Ghazals

 

About skpoetry

>> Sk Poetry - All The Best Poetry Website In Hindi, Urdu & English. Here You Can Find All Type Best, Famous, Memorable, Popular & Evergreen Collections Of Poems/Poetry, Shayari, Ghazals, Nazms, Sms, Whatsapp-Status & Quotes By The Top Poets From India, Pakistan, Iran, UAE & Arab Countries ETC. <<

Read These Poems Too..

Main Kaenat Mein Sayyaron Mein Bhatakta Tha..

Main Kaenat Mein Sayyaron Mein Bhatakta Tha.. Gulzar Nazm ! Main kaenat mein sayyaron mein …

Subah Se Shaam Hui Aur Hiran Mujhko Chhalawe Deta..

Subah Se Shaam Hui Aur Hiran Mujhko Chhalawe Deta.. Gulzar Nazm ! Subah se shaam …

Leave a Reply

Your email address will not be published. Required fields are marked *

nineteen − three =