Wednesday , September 30 2020

Tumhare Jashn Ko Jashn-E-Farozan Hum Nahi Kahte..

Tumhare Jashn Ko Jashn-E-Farozan Hum Nahi Kahte.. Jan Nisar Akhtar Poetry !

Tumhare jashn ko jashn-e-farozan hum nahi kahte,
Lahu ki garm bundon ko charaghan hum nahi kahte.

Agar had se guzar jaye dawa to ban nahi jata,
Kisi bhi dard ko duniya ka darman hum nahi kahte.

Nazar ki intiha koi na dil ki intiha koi,
Kisi bhi husan ko husan-e-farawan hum nahi kahte.

Kisi aashiq ke shane par bikhar jaye to kya kahna,
Magar is zulf ko zulf-e-pareshan hum nahi kahte.

Na bu-e-gul mahakti hai na shakh-e-gul lachakti hai,
Abhi apne gulistan ko gulistan hum nahi kahte.

Bahaaron se junun ko har tarah nisbat sahi lekin,
Shaguft-e-gul ko aashiq ka gareban hum nahi kahte.

Hazaron sal bite hain hazaron sal bitenge,
Badal jayegi kal taqdir-e-insan hum nahi kahte. !!

-Jan Nisar Akhtar Poetry / Ghazals

 

About skpoetry

>> Sk Poetry - All The Best Poetry Website In Hindi, Urdu & English. Here You Can Find All Type Best, Famous, Memorable, Popular & Evergreen Collections Of Poems/Poetry, Shayari, Ghazals, Nazms, Sms, Whatsapp-Status & Quotes By The Top Poets From India, Pakistan, Iran, UAE & Arab Countries ETC. <<

Read These Poems Too..

Yeh Kaisa Ishq Hai Urdu Zaban Ka..

Yeh Kaisa Ishq Hai Urdu Zaban Ka.. { Urdu Zaban – Gulzar’s Nazm } Yeh …

Tinka Tinka Kante Tode Sari Raat Katai Ki..

Tinka Tinka Kante Tode Sari Raat Katai Ki.. Gulzar Poetry ! Tinka tinka kante tode …

Leave a Reply

Your email address will not be published. Required fields are marked *

five × 5 =