Monday , September 28 2020

Ranj-O-Gham Mange Hai Andoh-O-Bala Mange Hai..

Ranj-O-Gham Mange Hai Andoh-O-Bala Mange Hai.. Jan Nisar Akhtar Poetry !

Ranj-o-gham mange hai andoh-o-bala mange hai,
Dil wo mujrim hai ki khud apni saza mange hai.

Chup hai har zakhm-e-gulu chup hai shahidon ka lahu,
Dast-e-qatil hai jo mehnat ka sila mange hai.

Tu bhi ek daulat-e-nayab hai par kya kahiye,
Zindagi aur bhi kuch tere siwa mange hai.

Khoi khoi ye nigahen ye khamida palken,
Haath uthaye koi jis tarah dua mange hai.

Ras ab aayegi ashkon ki na aahon ki faza,
Aaj ka pyar nai aab-o-hawa mange hai.

Bansuri ka koi naghma na sahi chikh sahi,
Har sukut-e-shab-e-gham koi sada mange hai.

Lakh munkir sahi par zauq-e-parastish mera,
Aaj bhi koi sanam koi khuda mange hai.

Sans waise hi zamane ki ruki jati hai,
Wo badan aur bhi kuch tang qaba mange hai.

Dil har ek haal se begana hua jata hai,
Ab tawajjoh na taghaful na ada mange hai. !!

-Jan Nisar Akhtar Poetry / Ghazals

 

About skpoetry

>> Sk Poetry - All The Best Poetry Website In Hindi, Urdu & English. Here You Can Find All Type Best, Famous, Memorable, Popular & Evergreen Collections Of Poems/Poetry, Shayari, Ghazals, Nazms, Sms, Whatsapp-Status & Quotes By The Top Poets From India, Pakistan, Iran, UAE & Arab Countries ETC. <<

Read These Poems Too..

Na Jaane Kis Ki Ye Diary Hai..

Na Jaane Kis Ki Ye Diary Hai.. { Diary – Gulzar’s Nazm } Na jaane …

Yeh Kaisa Ishq Hai Urdu Zaban Ka..

Yeh Kaisa Ishq Hai Urdu Zaban Ka.. { Urdu Zaban – Gulzar’s Nazm } Yeh …

Leave a Reply

Your email address will not be published. Required fields are marked *

13 + 20 =