Wednesday , September 30 2020

Muddat Hui Us Jaan-E-Haya Ne Hum Se Ye Iqrar Kiya..

Muddat Hui Us Jaan-E-Haya Ne Hum Se Ye Iqrar Kiya.. Jan Nisar Akhtar Poetry !

Muddat hui us jaan-e-haya ne hum se ye iqrar kiya,
Jitne bhi badnam hue hum utna us ne pyar kiya.

Pahle bhi khush-chashmon mein hum chaukanna se rahte the,
Teri soi aankhon ne to aur hamein hoshiyar kiya.

Jate jate koi hum se achchhe rahna kah to gaya,
Puchhe lekin puchhne wale kis ne ye bimar kiya.

Qatra qatra sirf hua hai ishq mein apne dil ka lahu,
Shakl dikhai tab us ne jab aankhon ko khun-bar kiya.

Hum par kitni bar pade ye daure bhi tanhai ke,
Jo bhi hum se milne aaya milne se inkar kiya.

Ishq mein kya nuqsan nafa hai hum ko kya samjhate ho,
Hum ne sari umar hi yaro dil ka karobar kiya.

Mehfil par jab nind si chhai sab ke sab khamosh hue,
Hum ne tab kuch sher sunaya logon ko bedar kiya.

Ab tum socho ab tum jaano jo chaho ab rang bharo,
Hum ne to ek naqsha khincha ek khaka tayyar kiya.

Desh se jab pardesh sidhaare hum par ye bhi waqt pada,
Nazmen chhodi ghazlen chhodi giton ka bewpar kiya. !!

-Jan Nisar Akhtar Poetry / Ghazals

 

About skpoetry

>> Sk Poetry - All The Best Poetry Website In Hindi, Urdu & English. Here You Can Find All Type Best, Famous, Memorable, Popular & Evergreen Collections Of Poems/Poetry, Shayari, Ghazals, Nazms, Sms, Whatsapp-Status & Quotes By The Top Poets From India, Pakistan, Iran, UAE & Arab Countries ETC. <<

Read These Poems Too..

Dil Mein Aise Thahar Gaye Hain Gham..

Dil Mein Aise Thahar Gaye Hain Gham.. Gulzar Nazm ! Dil mein aise thahar gaye …

Dekho Aahista Chalo Aur Bhi Aahista Zara..

Dekho Aahista Chalo Aur Bhi Aahista Zara.. Gulzar Nazm ! Dekho aahista chalo aur bhi …

Leave a Reply

Your email address will not be published. Required fields are marked *

5 − three =