Thursday , October 1 2020

Har Ek Ruh Mein Ek Gham Chhupa Lage Hai Mujhe..

Har Ek Ruh Mein Ek Gham Chhupa Lage Hai Mujhe.. Jan Nisar Akhtar Poetry !

Har ek ruh mein ek gham chhupa lage hai mujhe,
Ye zindagi to koi bad-dua lage hai mujhe.

Pasand-e-khatir-e-ahl-e-wafa hai muddat se,
Ye dil ka dagh jo khud bhi bhala lage hai mujhe.

Jo aansuon mein kabhi raat bhig jati hai,
Bahut qarib wo aawaz-e-pa lage hai mujhe.

Main so bhi jaun to kya meri band aankhon mein,
Tamam raat koi jhankta lage hai mujhe.

Main jab bhi us ke khayalon mein kho sa jata hun,
Wo khud bhi baat kare to bura lage hai mujhe.

Main sochta tha ki lautunga ajnabi ki tarah,
Ye mera ganw to pahchanta lage hai mujhe.

Na jaane waqt ki raftar kya dikhati hai,
Kabhi kabhi to bada khauf sa lage hai mujhe.

Bikhar gaya hai kuch is tarah aadmi ka wajud,
Har ek fard koi saneha lage hai mujhe.

Ab ek aadh qadam ka hisab kya rakhiye,
Abhi talak to wahi fasla lage hai mujhe.

Hikayat-e-gham-e-dil kuch kashish to rakhti hai,
Zamana ghaur se sunta hua lage hai mujhe. !!

-Jan Nisar Akhtar Poetry / Ghazals

 

About skpoetry

>> Sk Poetry - All The Best Poetry Website In Hindi, Urdu & English. Here You Can Find All Type Best, Famous, Memorable, Popular & Evergreen Collections Of Poems/Poetry, Shayari, Ghazals, Nazms, Sms, Whatsapp-Status & Quotes By The Top Poets From India, Pakistan, Iran, UAE & Arab Countries ETC. <<

Read These Poems Too..

Chaand Kyun Abr Ki Us Maili Si Gathri Mein Chhupa Tha..

Chaand Kyun Abr Ki Us Maili Si Gathri Mein Chhupa Tha.. { Ek Daur – …

Subah Se Shaam Hui Aur Hiran Mujhko Chhalawe Deta..

Subah Se Shaam Hui Aur Hiran Mujhko Chhalawe Deta.. Gulzar Nazm ! Subah se shaam …

Leave a Reply

Your email address will not be published. Required fields are marked *

fourteen + 5 =