Monday , September 28 2020

Yun Meri Taba Se Hote Hain Maani Paida

Yun Meri Taba Se Hote Hain Maani Paida – Akbar Allahabadi Poetry

Yun meri taba se hote hain maani paida,
Jaise sawan ki ghataon se ho pani paida.

Kya ghazab hai nigah-e-mast-e-mis-e-baada-farosh,
Shaikh fani mein hua rang-e-jawani paida.

Ye jawani hai ki pata hai junun jis se zuhur,
Ye na samjho ki junun se hai jawani paida.

Be-khudi mein to ye jhagde nahi rahte aye hosh,
Tu ne kar rakkha hai ek aalam-e-fani paida.

Koi mauqa nikal aaye ki bas aankhen mil jayen,
Rahen phir aap hi kar legi jawani paida.

Har talluq mera sarmaya hai ek nowel ka,
Meri har raat se hai ek kahani paida.

Jang hai jurm mohabbat hai khilaf-e-tahzib,
Ho chuka walwala-e-ahd-e-jawani paida.

Kho gayi hind ki firdaus-nishani “Akbar“,
Kash ho jaye koi ‘milton’-e-sani paida. !!

-Akbar Allahabadi Poetry / Ghazals

 

About skpoetry

>> Sk Poetry - All The Best Poetry Website In Hindi, Urdu & English. Here You Can Find All Type Best, Famous, Memorable, Popular & Evergreen Collections Of Poems/Poetry, Shayari, Ghazals, Nazms, Sms, Whatsapp-Status & Quotes By The Top Poets From India, Pakistan, Iran, UAE & Arab Countries ETC. <<

Read These Poems Too..

Yeh Kaisa Ishq Hai Urdu Zaban Ka..

Yeh Kaisa Ishq Hai Urdu Zaban Ka.. { Urdu Zaban – Gulzar’s Nazm } Yeh …

Tinka Tinka Kante Tode Sari Raat Katai Ki..

Tinka Tinka Kante Tode Sari Raat Katai Ki.. Gulzar Poetry ! Tinka tinka kante tode …

Leave a Reply

Your email address will not be published. Required fields are marked *

six − one =