Thursday , October 1 2020

Tariq-E-Ishq Mein Mujh Ko Koi Kaamil Nahi Milta

Tariq-e-ishq mein mujh ko koi kaamil nahi milta,
Gaye farhad o majnun ab kisi se dil nahi milta.

Bhari hai anjuman lekin kisi se dil nahi milta,
Hamin mein aa gaya kuch naqs ya kaamil nahi milta.

Purani raushni mein aur nai mein farq itna hai,
Use kashti nahi milti ise sahil nahi milta.

Pahunchna dad ko mazlum ka mushkil hi hota hai,
Kabhi qazi nahi milte kabhi qatil nahi milta.

Harifon par khazane hain khule yan hijr-e-gesu hai,
Wahan pe bil hai aur yan sanp ka bhi bil nahi milta.

Ye husn o ishq hi ka kaam hai shubah karen kis par,
Mizaj un ka nahi milta hamara dil nahi milta.

Chhupa hai sina o rukh dil-sitan hathon se karwat mein,
Mujhe sote mein bhi wo husn se ghafil nahi milta.

Hawas-o-hosh gum hain bahr-e-irfan-e-ilahi mein,
Yahi dariya hai jis mein mauj ko sahil nahi milta.

Kitab-e-dil mujhe kafi hai “Akbar” dars-e-hikmat ko,
Main spencer se mustaghni hun mujh se mil nahi milta. !!

 

About skpoetry

>> Sk Poetry - All The Best Poetry Website In Hindi, Urdu & English. Here You Can Find All Type Best, Famous, Memorable, Popular & Evergreen Collections Of Poems/Poetry, Shayari, Ghazals, Nazms, Sms, Whatsapp-Status & Quotes By The Top Poets From India, Pakistan, Iran, UAE & Arab Countries ETC. <<

Read These Poems Too..

Yeh Kaisa Ishq Hai Urdu Zaban Ka..

Yeh Kaisa Ishq Hai Urdu Zaban Ka.. { Urdu Zaban – Gulzar’s Nazm } Yeh …

Tinka Tinka Kante Tode Sari Raat Katai Ki..

Tinka Tinka Kante Tode Sari Raat Katai Ki.. Gulzar Poetry ! Tinka tinka kante tode …

Leave a Reply

Your email address will not be published. Required fields are marked *

2 + fourteen =