Na Ruh-E-Mazhab Na qalb-E-Arif Na Shairana Zaban Baqi

Na ruh-e-mazhab na qalb-e-arif na shairana zaban baqi,
Zameen hamari badal gayi hai agarche hai aasman baqi.

Shab-e-guzishta ke saz o saman ke ab kahan hain nishan baqi,
Zaban-e-shama-e-sahar pe hasrat ki rah gayi dastan baqi.

Jo zikr aata hai aakhirat ka to aap hote hain saf munkir,
Khuda ki nisbat bhi dekhta hun yakin rukhsat guman baqi.

Fuzul hai un ki bad-dimaghi kahan hai fariyaad ab labon par,
Ye war par war ab abas hain kahan badan mein hai jaan baqi.

Main apne mitne ke gham mein nalan udhar zamana hai shad o khandan,
Ishaara karti hai chashm-e-dauran jo aan baqi jahan baqi.

Isi liye rah gayi hain aankhen ki mere mitne ka rang dekhen,
Sunun wo baaten jo hosh udayen isi liye hain ye kan baqi.

Tajjub aata hai tifl-e-dil par ki ho gaya mast-e-nazm-e-“Akbar“,
Abhi middle pas tak nahi hai bahut se hain imtihan baqi. !!

 

About skpoetry

>> Sk Poetry - All The Best Poetry Website In Hindi, Urdu & English. Here You Can Find All Type Best, Famous, Memorable, Popular & Evergreen Collections Of Poems/Poetry, Shayari, Ghazals, Nazms, Sms, Whatsapp-Status & Quotes By The Top Poets From India, Pakistan, Iran, UAE & Arab Countries ETC. <<

Read These Poems Too..

Aye Dard-E-Ishq Tujh Se Mukarne Laga Hun Main..

Aye Dard-E-Ishq Tujh Se Mukarne Laga Hun Main.. Jan Nisar Akhtar Poetry Aye dard-e-ishq tujh …

Achchha Hai Un Se Koi Taqaza Kiya Na Jaye..

Achchha Hai Un Se Koi Taqaza Kiya Na Jaye.. Jan Nisar Akhtar Poetry Achchha hai …

Leave a Reply

Your email address will not be published. Required fields are marked *

three × one =