Na Hasil Hua Sabr-O-Aram Dil Ka..

Na hasil hua sabr-o-aram dil ka,
Na nikla kabhi tum se kuch kaam dil ka.

Mohabbat ka nashsha rahe kyun na har-dam,
Bhara hai mai-e-ishq se jaam dil ka.

Phansaya to aankhon ne dam-e-bala mein,
Magar ishq mein ho gaya naam dil ka.

Hua khwab ruswa ye ishq-e-butan mein,
Khuda hi hai ab mere badnaam dil ka.

Ye banki adayen ye tirchhi nigahyen,
Yahi le gain sabr-o-aram dil ka.

Dhuan pahle uthta tha aaghaz tha wo,
Hua khak ab ye hai anjam dil ka.

Jab aaghaz-e-ulfat hi mein jal raha hai,
To kya khak batlaun anjam dil ka.

Khuda ke liye pher do mujh ko sahab,
Jo sarkar mein kuch na ho kaam dil ka.

Pas-e-marg un par khula haal-e-ulfat,
Gayi le ke ruh apni paigham dil ka.

Tadapta hua yun na paya hamesha,
Kahun kya main aaghaz-o-anjam dil ka.

Dil us bewafa ko jo dete ho “Akbar“,
To kuch soch lo pahle anjam dil ka. !!

 

About skpoetry

>> Sk Poetry - All The Best Poetry Website In Hindi, Urdu & English. Here You Can Find All Type Best, Famous, Memorable, Popular & Evergreen Collections Of Poems/Poetry, Shayari, Ghazals, Nazms, Sms, Whatsapp-Status & Quotes By The Top Poets From India, Pakistan, Iran, UAE & Arab Countries ETC. <<

Read These Poems Too..

Jo Mansabon Ke Pujari Pahan Ke Aate Hain..

Jo Mansabon Ke Pujari Pahan Ke Aate Hain.. Rahat Indori Shayari ! Jo mansabon ke …

Sirf Sach Aur Jhut Ki Mizan Mein Rakkhe Rahe..

Sirf Sach Aur Jhut Ki Mizan Mein Rakkhe Rahe.. Rahat Indori Shayari ! Sirf sach …

Leave a Reply

Your email address will not be published. Required fields are marked *

15 + two =