Mehrbani Hai Ayaadat Ko Jo Aate Hain Magar..

Mehrbani Hai Ayaadat Ko Jo Aate Hain Magar.. Akbar Allahabadi Poetry

Mehrbani hai ayaadat ko jo aate hain magar,
Kis tarah un se hamara haal dekha jayega.

Daftar-e-duniya ulat jayega baatil yak-qalam,
Zarra zarra sab ka asli haal dekha jayega.

Official aamal-nama ki na hogi kuch sanad,
Hashr mein to nama-e-amal dekha jayega.

Bach rahe taun se to ahl-e-ghaflat bol uthe,
Ab to mohlat hai phir agle sal dekha jayega.

Tah karo sahab nasb-nami wo waqt aaya hai ab,
Be-asar hogi sharafat mal dekha jayega.

Rakh qadam sabit na chhod “Akbar” siraat-e-mustaqim,
Khair chal jaane de un ki chaal dekha jayega. !!

-Akbar Allahabadi Poetry / Ghazals