Monday , September 28 2020

Mazhab Ka Ho Kyunkar Ilm-O-Amal Dil Hi Nahi Bhai Ek Taraf

Mazhab Ka Ho Kyunkar Ilm-O-Amal Dil Hi Nahi Bhai Ek Taraf.. Akbar Allahabadi Poetry

Mazhab ka ho kyunkar ilm-o-amal dil hi nahi bhai ek taraf,
Cricket ki khilai ek taraf collage ki padhai ek taraf.

Kya zauq-e-ibaadat ho un ko jo bas ke labon ke shaida hain,
Halwa-e-bahishti ek taraf hotel ki mithai ek taraf.

Taun-o-tap aur khatmal machchhar sab kuch hai ye paida kichad se,
Bambe ki rawani ek taraf aur sari safai ek taraf.

Mazhab ka to dam wo bharte hain be-parda buton ko karte hain,
Islam ka dawa ek taraf ye kafir-adai ek taraf.

Har samt to hai ek dam-e-bala rah sakte hain khush kis tarah bhala,
Aghyar ki kawish ek taraf aapas ki ladai ek taraf.

Kya kaam chale kya rang jame kya baat bane kaun us ki sune,
Hai “Akbar“-e-bekas ek taraf aur sari khudai ek taraf.

Fariyaad kiye ja aye “Akbar” kuch ho hi rahega aakhir-kar,
Allah se tauba ek taraf sahab ki duhai ek taraf. !!

-Akbar Allahabadi Poetry / Ghazals

 

About skpoetry

>> Sk Poetry - All The Best Poetry Website In Hindi, Urdu & English. Here You Can Find All Type Best, Famous, Memorable, Popular & Evergreen Collections Of Poems/Poetry, Shayari, Ghazals, Nazms, Sms, Whatsapp-Status & Quotes By The Top Poets From India, Pakistan, Iran, UAE & Arab Countries ETC. <<

Read These Poems Too..

Na Jaane Kis Ki Ye Diary Hai..

Na Jaane Kis Ki Ye Diary Hai.. { Diary – Gulzar’s Nazm } Na jaane …

Yeh Kaisa Ishq Hai Urdu Zaban Ka..

Yeh Kaisa Ishq Hai Urdu Zaban Ka.. { Urdu Zaban – Gulzar’s Nazm } Yeh …

Leave a Reply

Your email address will not be published. Required fields are marked *

twenty + 5 =