Saturday , September 26 2020

Khuda Ali-Gadh Ke Madrase Ko Tamam Amraaz Se Shifa De

Khuda ali-gadh ke madrase ko tamam amraaz se shifa de,
Bhare hue hain rais-zade amir-zade sharif zade.

Latif o khush-waza chust-o-chaalak o saf-o-pakiza shad-o-khurram,
Tabiaton mein hai un ki jaudat dilon mein un ke hain nek irade.

Kamal mehnat se padh rahe hain kamal ghairat se badh rahe hain,
Sawar mashriq ki rah mein hain to maghribi rah mein piyaade.

Har ek hai un mein ka be-shak aisa ki aap use jaante hain jaisa,
Dikhaye mehfil mein qadd-e-rana jo aap aayen to sar jhuka de.

Faqir mangen to saf kah den ki tu hai mazbut ja kama kha,
Qubul farmayen aap dawat to apna sarmaya kul khila de.

Buton se un ko nahi lagawat mison ki lete nahi wo aahat,
Tamam quwwat hai sarf-e-khwandan nazar ke bhole hain dil ki sade.

Nazar bhi aaye jo zulf-e-pechan to samjhen ye koi policy hai,
Electric light us ko samjhen jo barq-wash koi koi de.

Nikalte hain kar ke ghol-bandi ba-nam-e-tahzib o dard-mandi,
Ye kah ke lete hain sab se chande hamein jo tum do tumhein khuda de.

Unhen isi baat par yaqin hai ki bas yahi asal kar-e-aden hai,
Isi si hoga farogh-e-qaumi isi se chamkenge bap dade.

Makan-e-college ke sab makin hain abhi unhen tajrabe nahi hain,
Khabar nahi hai ki aage chal kar hai kaisi manzil hain kaisi jade.

Dilon mein un ke hai nur-e-iman qawi nahi hai magar nigahban,
Hawa-e-mantiq ada-e-tifli ye shama aisa na ho bujha de.

Fareb de kar nikale matlab sikhaye tahqir-e-din-o-mazhab,
Mita de aakhir ko waz-e-millat numud-e-zati ko gar badha de.

Yahi bas “Akbar” ki iltija hai janab-e-bari mein ye dua hai,
Ulum-o-hikmat ka dars un ko professor den samajh khuda de. !!

 

About skpoetry

>> Sk Poetry - All The Best Poetry Website In Hindi, Urdu & English. Here You Can Find All Type Best, Famous, Memorable, Popular & Evergreen Collections Of Poems/Poetry, Shayari, Ghazals, Nazms, Sms, Whatsapp-Status & Quotes By The Top Poets From India, Pakistan, Iran, UAE & Arab Countries ETC. <<

Read These Poems Too..

Yeh Kaisa Ishq Hai Urdu Zaban Ka..

Yeh Kaisa Ishq Hai Urdu Zaban Ka.. { Urdu Zaban – Gulzar’s Nazm } Yeh …

Tinka Tinka Kante Tode Sari Raat Katai Ki..

Tinka Tinka Kante Tode Sari Raat Katai Ki.. Gulzar Poetry ! Tinka tinka kante tode …

Leave a Reply

Your email address will not be published. Required fields are marked *

twenty + 12 =