Kahan Wo Ab Lutf-E-Bahami Hai Mohabbaton Mein Bahut Kami Hai

Kahan wo ab lutf-e-bahami hai mohabbaton mein bahut kami hai,
Chali hai kaisi hawa ilahi ki har tabiat mein barhami hai.

Meri wafa mein hai kya tazalzul meri itaat mein kya kami hai,
Ye kyun nigahen phiri hain mujh se mizaj mein kyun ye barhami hai.

Wahi hai fazl-e-khuda se ab tak taraqqi-e-kar-e-husn o ulfat,
Na wo hain mashq-e-sitam mein qasir na khun-e-dil ki yahan kami hai.

Ajib jalwe hain hosh dushman ki wahm ke bhi qadam ruke hain,
Ajib manzar hain hairat-afza nazar jahan thi wahin thami hai.

Na koi takrim-e-bahami hai na pyar baqi hai ab dilon mein,
Ye sirf tahrir mein dear sir hai ya janab-e-mukarrami hai.

Kahan ke muslim kahan ke hindu bhulai hain sab ne agli rasmen,
Aqide sab ke hain tin-terah na gyarahwin hai na ashtami hai.

Nazar meri aur hi taraf hai hazar rang-e-zamana badle,
Hazar baaten banaye naseh jami hai dil mein jo kuch jami hai.

Agarche main rind-e-mohtaram hun magar ise shaikh se na puchho,
Ki un ke aage to is zamane mein sari duniya jahannami hai. !!

-Akbar Allahabadi Ghazal / Urdu Poetry

 

About skpoetry

>> Sk Poetry - All The Best Poetry Website In Hindi, Urdu & English. Here You Can Find All Type Best, Famous, Memorable, Popular & Evergreen Collections Of Poems/Poetry, Shayari, Ghazals, Nazms, Sms, Whatsapp-Status & Quotes By The Top Poets From India, Pakistan, Iran, UAE & Arab Countries ETC. <<

Read These Poems Too..

Jo Tumhaare Lab-E-Jaan-Bakhsh Ka Shaida Hoga

Jo tumhaare lab-e-jaan-bakhsh ka shaida hoga, Uth bhi jayega jahan se to masiha hoga. Wo …

Halqe Nahi Hain Zulf Ke Halqe Hain Jal Ke

Halqe nahi hain zulf ke halqe hain jal ke, Han aye nigah-e-shauq zara dekh-bhaal ke. …

Leave a Reply

Your email address will not be published. Required fields are marked *

16 − 15 =