Wednesday , September 30 2020

Jalwa Ayan Hai Qudrat-E-Parwardigar Ka..

Jalwa Ayan Hai Qudrat-E-Parwardigar Ka.. Akbar Allahabadi Poetry

Jalwa ayan hai qudrat-e-parwardigar ka,
Kya dil-kusha ye scene hai fasl-e-bahaar ka.

Nazan hain josh-e-husn pe gul-ha-e-dil-fareb,
Joban dikha raha hai ye aalam ubhaar ka.

Hain didani banafsha o sumbul ke pech o tab,
Naqsha khincha hua hai khat-o-zulf-e-yar ka.

Sabza hai ya ye aab-e-zamurrad ki mauj hai,
Shabnam hai bahr ya guhar-e-abdar ka.

Murghan-e-bagh zamzama-sanji mein mahw hain,
Aur nach ho raha hai nasim-e-bahaar ka.

Parwaz mein hain titaryan shad o chust o mast,
Zeb-e-badan kiye hue khilat bahaar ka.

Mauj-e-hawa o zamzama-e-andalib-e-mast,
Ek saz-e-dil-nawaz hai mizrab-o-tar ka.

Abr-e-tunak ne raunaq-e-mausam badhai hai,
Ghaza bana hai ru-e-urus-e-bahaar ka.

Afsos is saman mein bhi “Akbar” udaas hai,
Suhan-e-ruh hijr hai ek gul-e-ezar ka. !!

-Akbar Allahabadi Poetry / Ghazals

 

About skpoetry

>> Sk Poetry - All The Best Poetry Website In Hindi, Urdu & English. Here You Can Find All Type Best, Famous, Memorable, Popular & Evergreen Collections Of Poems/Poetry, Shayari, Ghazals, Nazms, Sms, Whatsapp-Status & Quotes By The Top Poets From India, Pakistan, Iran, UAE & Arab Countries ETC. <<

Read These Poems Too..

Dil Mein Aise Thahar Gaye Hain Gham..

Dil Mein Aise Thahar Gaye Hain Gham.. Gulzar Nazm ! Dil mein aise thahar gaye …

Mere Kapdon Mein Tanga Hai..

Mere Kapdon Mein Tanga Hai.. { Libas – Gulzar Nazm } ! Mere kapdon mein …

Leave a Reply

Your email address will not be published. Required fields are marked *

1 × 4 =