Saturday , December 5 2020

Har Qadam Kahta Hai Tu Aaya Hai Jaane Ke Liye

Har qadam kahta hai tu aaya hai jaane ke liye,
Manzil-e-hasti nahi hai dil lagane ke liye.

Kya mujhe khush aaye ye hairat-sara-e-be-sabaat,
Hosh udne ke liye hai jaan jaane ke liye.

Dil ne dekha hai bisat-e-quwwat-e-idrak ko,
Kya badhe is bazm mein aankhen uthane ke liye.

Khub ummiden bandhin lekin huin hirman nasib,
Badliyan utthin magar bijli girane ke liye.

Sans ki tarkib par mitti ko pyar aa hi gaya,
Khud hui qaid us ko sine se lagane ke liye.

Jab kaha main ne bhula do ghair ko hans kar kaha,
Yaad phir mujh ko dilana bhul jaane ke liye.

Dida-bazi wo kahan aankhen raha karti hain band,
Jaan hi baqi nahi ab dil lagane ke liye.

Mujh ko khush aayi hai masti shaikh ji ko farbahi,
Main hun pine ke liye aur wo hain khane ke liye.

Allah allah ke siwa aakhir raha kuch bhi na yaad,
Jo kiya tha yaad sab tha bhul jaane ke liye.

Sur kahan ke saz kaisa kaisi bazm-e-samain,
Josh-e-dil kafi hai “Akbar” tan udane ke liye. !!

 

About skpoetry

>> Sk Poetry - All The Best Poetry Website In Hindi, Urdu & English. Here You Can Find All Type Best, Famous, Memorable, Popular & Evergreen Collections Of Poems/Poetry, Shayari, Ghazals, Nazms, Sms, Whatsapp-Status & Quotes By The Top Poets From India, Pakistan, Iran, UAE & Arab Countries ETC. <<

Read These Poems Too..

Yeh Kaisa Ishq Hai Urdu Zaban Ka..

Yeh Kaisa Ishq Hai Urdu Zaban Ka.. { Urdu Zaban – Gulzar’s Nazm } Yeh …

Tinka Tinka Kante Tode Sari Raat Katai Ki..

Tinka Tinka Kante Tode Sari Raat Katai Ki.. Gulzar Poetry ! Tinka tinka kante tode …

Leave a Reply

Your email address will not be published. Required fields are marked *

six + thirteen =