Aaj Aaraish-E-Gesu-E-Dota Hoti Hai

Aaj aaraish-e-gesu-e-dota hoti hai,
Phir meri jaan giraftar-e-bala hoti hai.

Shauq-e-pa-bosi-e-jaanan mujhe baqi hai hanuz,
Ghas jo ugti hai turbat pe hina hoti hai.

Phir kisi kaam ka baqi nahi rahta insan,
Sach to ye hai ki mohabbat bhi bala hoti hai.

Jo zamin kucha-e-qatil mein nikalti hai nai,
Waqf wo bahr-e-mazar-e-shohada hoti hai.

Jis ne dekhi ho wo chitwan koi us se puchhe,
Jaan kyun-kar hadaf-e-tir-e-qaza hoti hai.

Naza ka waqt bura waqt hai khaliq ki panah,
Hai wo saat ki qayamat se siwa hoti hai.

Ruh to ek taraf hoti hai rukhsat tan se,
Aarzu ek taraf dil se juda hoti hai.

Khud samajhta hun ki rone se bhala kya hasil,
Par karun kya yunhi taskin zara hoti hai.

Raundte phirte hain wo majma-e-aghyar ke sath,
Khub tauqir-e-mazar-e-shohada hoti hai.

Murgh-e-bismil ki tarah lot gaya dil mera,
Nigah-e-naz ki tasir bhi kya hoti hai.

Nala kar lene den lillah na chheden ahbab,
Zabt karta hun to taklif siwa hoti hai.

Jism to khak mein mil jate hue dekhte hain,
Ruh kya jaane kidhar jati hai kya hoti hai.

Hun fareb-e-sitam-e-yar ka qail “Akbar“,
Marte marte na khula ye ki jafa hoti hai. !!

 

About skpoetry

>> Sk Poetry - All The Best Poetry Website In Hindi, Urdu & English. Here You Can Find All Type Best, Famous, Memorable, Popular & Evergreen Collections Of Poems/Poetry, Shayari, Ghazals, Nazms, Sms, Whatsapp-Status & Quotes By The Top Poets From India, Pakistan, Iran, UAE & Arab Countries ETC. <<

Read These Poems Too..

Mazhab Ka Ho Kyunkar Ilm-O-Amal Dil Hi Nahi Bhai Ek Taraf

Mazhab Ka Ho Kyunkar Ilm-O-Amal Dil Hi Nahi Bhai Ek Taraf.. Akbar Allahabadi Poetry Mazhab …

2 Line Dua Poetry In Hindi

2 Line Dua Poetry In Hindi 2 Line Dua Poetry In Hindi – बेहतरीन और …

Leave a Reply

Your email address will not be published. Required fields are marked *

5 × 1 =